Litratong Pinoy#5 - Itay

Itong litrato ay kinuha noong kami ay pauwi galing sa Siargao, Surigao nitong Abril. Ang mangingisda ay nag-iisa sa laot. Napag-isip isip ko kung ano ang iniisip o nararamdaman ng isang amang katulad niya sa tuwing siya’y aalis para maghanapbuhay. Hanapbuhay na maaring magbigay sa kanya ng di katiyakang mga pangyayari pero dahil sa kapakanan ng pamilya, kinakailangan niyang gawin. Nakakaramdam kaya siya ng takot at pag-aalala para sa kanyang sarili at sa kanyang kaligtasan habang siya’y nagtatrabaho? Naisip ba niya na sana’y may iba pang puwedeng magawa para siya’y hindi lantad sa kapahamakan? Hindi ba siya nalulungkot o masaya na ba siya na kahit paano’y nakakagawa siya ng paraan na mapakain niya ang pamilya kahit papaano?

Translation: The picture was taken when we were on our way home from Siargao, Surigao. The fisherman was alone at sea. I wondered what was he thinking and what did he feel every time he has to go to work. Work that could endanger him but for the welfare of his family, he has to do it. Did he feel fear and anxiety for himself and his safety while working? Did he wish that he could do something else to prevent him from being exposed to danger? Did he feel sad or happy that he could do something that could feed his family no matter what?